សេចក្តីប្រកាសព័ត៌មាន ស្តីពីឯកឧត្តមឯកអគ្គរាជទូតកម្ពុជា អញ្ជើញជួបសំដែងការគួរសម និងពិភាក្សាការងារជាមួយលោកជំទាវ KUNIMITSU Ayano អនុរដ្ឋមន្ត្រីការបរទេសជប៉ុន
នៅថ្ងៃទី១៩ ខែធ្នូ ឆ្នាំ២០២៥ ស្ថានឯកអគ្គរាជទូតកម្ពុជាប្រចាំប្រទេសជប៉ុន បានចេញសេចក្តីប្រកាសព័ត៌មានស្តីពីជំនួបរវាងឯកឧត្តម ជុំ សុន្ទរី ឯកអគ្គរាជទូតតែងតាំងថ្មី និងលោកជំទាវ KUNIMITSU Ayano អនុរដ្ឋមន្ត្រីការបរទេសជប៉ុន ដើម្បីពិភាក្សាអំពីការជំរុញភាពជាដៃគូយុទ្ធសាស្ត្រគ្រប់ជ្រុងជ្រោយ និងការអនុវត្តកញ្ចប់ការងាររួមគ្នាកម្ពុជា-ជប៉ុន។ ក្នុងជំនួបនោះ ភាគីទាំងពីរបានពិភាក្សាលើវិស័យសំខាន់ៗដូចជា កិច្ចសន្ទនានយោបាយ ភាពជាដៃគូសេដ្ឋកិច្ច និងការផ្លាស់ប្តូររវាងប្រជាជន និងប្រជាជន។ លើសពីនេះ ឯកឧត្តមឯកអគ្គរាជទូតក៏បានជម្រាបជូនអំពីបច្ចុប្បន្នភាពនៃស្ថានភាពព្រំដែនកម្ពុជា-ថៃ ដោយបញ្ជាក់ពីការប្តេជ្ញាចិត្តរបស់កម្ពុជាក្នុងការរក្សាសន្តិភាព និងការដោះស្រាយដោយអត់ធ្មត់តាមរយៈការសន្ទនា។
ស្ថានឯកអគ្គរាជទូតកម្ពុជាប្រចាំប្រទេសជប៉ុន
